അതിരറ്റുപോയോരു കാപാലികത്വം
സാമ്രാജ്യ മോഹികൾ നട്ടുവളർത്തി
ഊഷ്മളമായോരു ഭൂമിക്കു ഭാരമായ്
സ്ഥാപിത താൽപ്പര്യമൊന്നുമാത്രം

ഭാരതത്തിന്റെ വിരിമാറിലൂടെ
പേക്കൂത്തുതീർത്തോരു
കാപാലികത്വം
ഇന്നു വളർന്ന് വലുതായിട്ട്
വിളയെ തിന്നുന്ന വേലിയായി

മൗനമായ് നിന്നു സുഖിച്ച പാശ്ചാത്യർ
നെട്ടോട്ടമോടുന്നു ഭീതിപൂണ്ട്
കേവലമഞ്ചു പതിറ്റാണ്ടായി
ഭാരതത്തിൻ വാണികേട്ടതില്ല.

ആരാന്റെയമ്മതൻ ഭ്രാന്തു കണ്ടിട്ട്
സന്തോഷമായി വസിച്ചിരുന്നോർ
ഭീതിപൂണ്ടോടുന്ന കാഴ്ച കാൺകെ
ഞാനറിയുന്നിവർ മൂഢരെന്ന്

സ്വന്തമായ് തീർത്ത കുഴിയിൽ വീണ
സ്വർത്ഥമതികളിക്കാപാലികർ
ഭാവിതൻ വാഗ്ദാനമാകും യുവത്വത്തെ
ചുട്ടുകരിക്കുന്നുസ്വർത്ഥതയാൽ
കഷ്ടമീ ലോകത്തിൻ പോക്കു കണ്ടിട്ട്
ഖേദം പകരുവാൻ താൽപ്പര്യമില്ലാത്ത
ക്രൂരതകണ്ടു മരവിച്ച മാനുഷർ
നൈസർഗികത്വം വെടിഞ്ഞു നിൽപ്പു.

എണ്ണപ്പണത്തിന്റെ മോഹമേറി
പടയോട്ടം ചെയ്തതള്ളാഹുവിൻ നാട്ടിൽ
ഭംഗിയായ് രാജ്യം ഭരിച്ച സദ്ദാം തൂക്കുമരത്തിൽ കിടന്നു തൂങ്ങി

രക്ഷയില്ലാത്തൊരനുയായികൾ
പോരു തുടങ്ങിയതള്ളാവിൻ പേരിൽ
കാപാലികത്വം വളർന്നു വളർന്ന്
ലോക നാശത്തിന്നു ഹേതുവാകും

പ്രാപഞ്ചിക സ്നേഹ സന്ദേശമേറി
വിശ്വരക്ഷക്കായി വന്ന മഹാന്മാവെ
വീണ്ടുമൊരു വട്ടം കൂടി വരു
സന്മാർഗ്ഗദീപം തെളിച്ചിടുവാൻ